Kafari í heimsókn

Nemendur í 2. bekk hafa verið að læra um hafið undanfarnar vikur og fengu að því tilefni mjög spennandi heimsókn í morgun. Afi eins barns í bekknum starfar sem kafari og kom í heimsókn í skólann í dag. Hann hafði meðferðis ýmsan köfunar tengdan búnað sem börnin fengu að skoða og prófa. Það sem mesta lukku vakti hins vegar voru tveir stórir plastkassar fullir af sjávarlífverum sem hann hafði sótt í sjóinn daginn áður. Þar fengu nemendur að skoða til dæmis krabba, kuðunga, krossfiska, ígulker og fleira.

Við þökkum kafaranum kærlega fyrir bæði skemmtilega og fræðandi heimsókn.

Fleiri myndir í myndasafni